CRIME NEWS : लाच स्वीकारल्यानंतर ACB ची चाहूल लागताच पलायन केलेल्या तलाठ्यास पोलिसांनी घेतले ताब्यात...

======================================

सांगली | दि. १७ सप्टेंबर २०२२

लाचलुचपत प्रतिबंधक विभाग,सांगली यांच्याकडून मिळालेल्या माहितीनुसार तक्रारदार यांची आई वारस असलेली बागायत शेत जमीन इतर वारसानी तक्रारदार यांचे आईस बिना मोबदला सह दुय्यम निबंधक वाळवा यांचे कार्यालयात कायम व खुष खरेदीपत्राने स्वखुशीने लिहून दिलेली आहे. सदर जमीनीचे खुष खरेदीपत्राचा ऑनलाईन फेरफार तलाठी कापूसखेड यांचे लॉगीनला गेला होता. तक्रारदार यांनी त्यांचे नोंदीचे काम झाले काय याबाबत कापूसखेड गावचे तलाठी सुनिल जावीर यांचेकडे चौकशी केली असता. तलाठी जावीर यांनी तक्रारदार यांचे आईचे नावाने झालेल्या कायम व खुषखरेदी पत्राची सात बारा उताऱ्यावर नोंद घालणे करीता तक्रारदार यांचेकडे ३०,०००/- रुपये लाचेची मागणी केली असल्याबाबत तक्रारदार यांनी दि. १४.०९.२०२२ रोजी अँटी करप्शन ब्युरो सांगली कार्यालयात दिला होता.

तक्रारदार यांनी दिलेल्या तक्रारीनुसार दिनांक १५.०९.२०२२ रोजी ब्युरोच्या कार्यप्रणालीप्रमाणे पडताळणी केली असता त्यामध्ये श्री. सुनिल जावीर, तलाठी कापुसखेड यांनी तक्रारदार यांचेकडे ३०,०००/- रूपये लाच मागणी करून तक्रारदार यांचे आईचे नांवच्या कायम खुष खरेदीपत्राची अधिकार अभिलेखात नोंद घालणे करीता १५,०००/ रुपये लाच रक्कम आणुन देण्यास सांगीतल्याचे निष्पन्न झाले.

त्यानंतर लाचलुचपत प्रतिबंधक विभागाने दि.१६.०९.२०२२ रोजी तलाठी कार्यालय कापूसखेड या ठिकाणी सापळा लावला असता श्री. सुनिल जावीर, तलाठी कापूसखेड यांनी तक्रारदार यांचेकडे १५,०००/- रुपये लाच मागणी करून तलाठी कार्यालयाचे बाहेर असलेल्या त्यांच्या अल्टो कारमध्ये ठेवण्यास सांगीतली. त्यानंतर तक्रारदार यांनी तलाठी सुनिल जावीर यांचे सांगणे प्रमाणे १५,०००/- रुपये लाच रक्कम जावीर त्यांचे अल्टो कारमध्ये ठेवल्यानंतर...

तलाठी सुनिल जावीर यांना आपण पकडले जाण्याची चाहूल लागताच अल्टो कार तिथेच सोडून त्यांनी तेथून पलायन केले. तलाठी जावीर यांचे वाहन ताब्यात घेऊन त्यांचा शोध सुरु केला.

रात्री ८ वाजण्याच्या सुमारास इस्लामपूर- आष्टा रस्त्यावरून पोलिसांनी त्याला ताब्यात घेतले.

त्या अनुषंगाने श्री. सुनिल बाबुराव जावीर, तलाठी कापुसखेड, ता. वाळवा, रा. मिरजवाडी, ता. वाळवा, जि. सांगली वर्ग ३ यांचे विरुद्ध इस्लामपुर पोलीस स्टेशन येथे लाचलुचपत प्रतिबंधक अधिनियमाखाली गुन्हा दाखल करण्यात आला आहे.

हि कारवाई अँन्टी करप्शन ब्युरो सांगली चे पोलीस उपअधीक्षक - सुजय घाटगे , पोलीस निरीक्षक - विनायक भिलारे, पोलीस निरीक्षक

दत्तात्रय पुजारी पोलीस अंमलदार अविनाश सागर, सलीम मकानदार,राधिका माने, सिमा माने, संजय संकपाळ, धनंजय खाडे, प्रितम चौगुले, रविंद्र धुमाळ, संजय कलकुटगी,चालक बाळासाहेब पवार यांनी केली आहे.