प्रतिनिधी - अख्तर पिरजादे
कडेगाव दि. १७ : दैनिक पुण्यनगरी चे पत्रकार दत्तात्रय सपकाळ यांच्या मातोश्री सौ.शांताबाई महादेव सपकाळ (वय- ७६) यांचे रविवारी सकाळी अल्पशा आजाराने निधन झाले. यशवंतराव चव्हाण सोसायटीचे माजी उपाध्यक्ष महादेव सपकाळ यांच्या त्या पत्नी होत्या तर देवराष्ट्रे ता. कडेगाव येथील दैनिक पुण्यनगरी चे पत्रकार दत्तात्रय सपकाळ व दिगंबर सपकाळ यांच्या त्या मातोश्री होत. त्यांच्या पश्चात पती, दोन मुले, एक मुलगी, सुना व नातवंडे असा परिवार आहे. देवराष्ट्रे येथे त्यांच्या वरती अंत्यसंस्कार करण्यात आले. यावेळी नातेवाईक गावातील ग्रामस्थ माता-भगिनी मोठ्या संख्येने उपस्थित होते. शांता काकींचे माहेर निमसोड तालुका खटाव हे होते. शांता काकी या सर्वांशी मिळून मिसळून राहत होत्या. त्यांच्या जाण्याने गावात हळहळ व्यक्त होत होती.
रक्षाविसर्जन बुधवार दिनांक 19 फेब्रुवारी रोजी सकाळी 9:00 वाजता देवराष्ट्रे येथे होणार आहे.
🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰
🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰
