संग्राम देशमुख यांचा पलूस तालुक्यातील कार्यकर्त्यांशी संवाद.

जिल्हा परिषदेचे माजी अध्यक्ष संग्राम देशमुख यांनी विधानसभा निवडणुकीनंतर प्रथमच पलूस तालुक्यातील दुधोंडी, किर्लोस्करवाडी, दह्यारी , तुपारी आदी गावातील कार्यकर्त्यांशी संवाद साधला. या दौऱ्यात त्यांनी कार्यकर्त्यांच्या घरी जाऊन भेटी घेतल्या आणि त्यांच्या समस्या व अडचणी जाणून घेतल्या.

गेल्या काही महिन्यांपासून राजकीय घडामोडींमध्ये व्यस्त असलेल्या संग्राम देशमुख यांनी या दौऱ्याच्या माध्यमातून आपल्या कार्यकर्त्यांशी पुन्हा संपर्क प्रस्थापित केला. त्यांनी पलूस तालुक्यातील दुधोंडी, किर्लोस्करवाडी , दह्यारी , तुपारी आदी गावांमध्ये जाऊन स्थानिक नेते, कार्यकर्ते आणि नागरिकांशी संवाद साधला. त्यांनी कार्यकर्त्यांचे आभार मानत त्यांच्या मेहनतीचे कौतुक केले.

संवादादरम्यान, कार्यकर्त्यांनी स्थानिक प्रश्न आणि विकासाच्या संधी यावर आपली मते मांडली. रस्ते, पाणीपुरवठा, शिक्षण आणि आरोग्यसेवा यासंदर्भातील मागण्या यावेळी पुढे आल्या. संग्राम देशमुख यांनी या समस्यांकडे गांभीर्याने लक्ष देण्याचे आश्वासन दिले.

ग्रामपातळीवरील संघटन मजबूत करण्यासाठी कार्यकर्त्यांनी एकजूट राहावे, असे आवाहन त्यांनी केले. "जनतेची सेवा हीच खरी प्राथमिकता असून, आगामी काळात विकासकामे अधिक वेगाने पूर्ण करण्याचा आमचा प्रयत्न राहील," असे त्यांनी नमूद केले.

महिलांनी पारंपरिक पद्धतीने औक्षण केले.या दौऱ्यामुळे कार्यकर्त्यांमध्ये नवा उत्साह निर्माण झाला असून, आगामी काळात तालुक्यातील राजकीय हालचालींना वेग येण्याची शक्यता आहे.

🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰